झापा । कुवेतको माग्फास्थित एक लेवर क्याम्पमा आगलागी हुँदा झापाका दोर्जे लामा सहित ५ जना नेपालीले झ्यालबाट हाम्फालेर ज्यान जोगाएका छन् ।
यो आगलागीमा परी मृत्यु हुनेको संख्या ४९ जना पुगेको छ । मृत्यु हुने श्रमिकहरु को कुन देशका हुन् भनेर पहिचान भइसकेको छैन ।
आगलागी भएको भवनबाट हाम्फालेर ज्यान जोगाएका सिरहाका शिवशंकर पासवान र झापाका दोर्जे लामा हुन् । हाल उनीहरु स्थानीय आदान अस्पतालमा उपचाररत छन् ।
हाम्फालेर भाग्दा घाइते भएकामध्ये तीन जनाको अस्पतालमा उपचार भइरहेको छ ।
जसमा शिवगञ्ज झापाका दोर्जे लामा, सिरहाका शिवशंकर पासवान, दिनेशकुमार
मण्डल, सन्तोषकुमार गोटी र जाकिर नदप रहेका छन् ।
लामा, मण्डल र
पासवानको स्थानीय अस्पतालमा उपचार भइरहेको छ । गोटी र जाकिरलाई अस्पतालमा
भर्ना गरिएको छैन । भुँईतलाबाट आगलागी
भयो । धुवाँको मुस्लोले कोठा भरियो’, नेपाली दूतावासका अधिकारीहरुसमक्ष
लामाले भने, ‘कोठामा लुगा सुकाउने डोरी थियो । त्यो डोरीबाट विस्तारै
बिस्तारै तल झयौ ।’ पासवानले आफूहरु तल्लो
तलामा रहेकोले बाँच्न सफल भएको बताए । धुवाको
मुस्लो आएपछि ढोकाबाट बाहिर आउने अवस्था भएन । क्याम्पको झ्याल फोरेर भाग्न
सफल भयौं,’ पासवानले भने ।उनीहरुलाई भेट्न नेपाली दूतावासका प्रथम सचिव सुजन बिडारी र श्रम सहचारी
गिरी आचार्य अस्पताल पुगेका थिए । कुवेतको एनविटिसी कम्पनीमा कार्यरत
श्रमिकहरु वस्ने क्याम्पमा आगलागी भएको थियो । कुवेत सरकारले आगोलागीमा
परी मृत्यु भएको राष्ट्रियता पहिचान गरिसकेको छैन ।
नेपाली दूतावासका अनुसार आगलागीमा नेपाली श्रमिक परे वा नपरेको बिषयमा खोजी भइरहेको जनाएको छ । ‘दूतावासको टोली क्याम्प र अस्पतालमा खटाइएको छ । प्रहरी र कम्पनीको ब्यवस्थापनसँग समन्वय भइरहेको छ,’ घटनास्थलमा पुगेका बिडारीले भने ।
बुधवार बिहान ४ः ३० बजे क्याम्पको तल्लो तलको एउटा कोठाबाट आगो सल्किएको थियो । कम्पनीमा करिव एकसय ९६ जना श्रमिक बस्दै आएका छन् । जसमा सबैभन्दा बढी भारतीय श्रमिकहरु रहेका छन् । ४८ जना घाइतेहरुलाई फर्वानिया, जहरा र अलअदान अस्पतालमा उपचार भइरहेको मन्त्रालयले जनाएको छ ।
