झापा । इलामकाे क्षेत्र नं २ मा हुन लागेकाे उपनिर्वाचनको सम्पूर्ण तयारी पूरा भएको छ ।
संविधान सभाका पूर्व अध्यक्ष सुवासचन्द्र नेम्वाङको निधनपछि उक्त क्षेत्रमा उपनिर्वाचन हुन लागेको हाे ।
वैशाख १५ गते (शनिबार) हुने उपनिर्वाचनका लागि सबै तयारी पूरा भएको मुख्य निर्वाचन अधिकृत केशवप्रसाद घिमिरेले बताए । उनले आफूहरू निर्वाचनको अन्तिम चरणमा रहेको र मतदानको पर्खाइमार रहेको बताए । उनले निर्वाचनका लागि मतदान अधिकृत, सुरक्षाकर्मीहरू सबै ठाउँमा खटिसकेको र मतदान केन्द्रहरू पनि निर्माण भइसकेको बताए । उनले मतदानका लागि आवश्यक सामग्री पुगिसकेको बताए । उनले बिहान ७ देखि साँझ ५ बजेसम्म मतदाताहरूले मतदान गर्न पाउने बताए । उनले मतदाताहरू मतदान गर्नका लागि उत्सुक भई मतदान स्थलहरूमा आउने र त्यहाँको स्थिति नियाल्ने काम गरिरहेको बताए ।
