झापा । रूकुम पश्चिमको मुसिकोट नगरपालिका–१ खलंगास्थित सत्कार होटलमा महिला मृत फेला परेको घटनामा शंकास्पद एक जनालाई प्रहरीले पक्राउ गरेको छ।
उक्त व्यक्तिलाई प्रहरीले सार्वजनिक भने गरेको छैन। जिल्ला प्रहरी कार्यालयका प्रहरी नायब उपरीक्षक नमराज भट्टराईले शंकास्पद व्यक्ति पक्राउ गरिएको बताए। अनुसन्धान चलिरहेकाले सकिएपछि सार्वजनिक गरिने उनले बताए।
मुसिकोट नगरपालिकाका– ७ साँखकी २८ वर्षीया भावना विक खलंगाको सत्कार होटेलको कोठा नम्बर १ मा मंगलबार बिहान मृत फेला परेको थियो।
साँझ कोहलपुरबाट तालिम प्राप्त कुकुर झिकाइएको थियो। मृतक महिलाको घाँटीमा चोट रहेको प्रहरीले बताएको छ।
प्रारम्भीक अनुसन्धानका क्रममा हत्याको कारण आर्थिक कारोबार रहेको देखिएको जनाइएको थियो।
