झापा / बिर्तामोडको रामचौकमा भएकाे दुर्घटनामा रोजी कटुवालको मृत्यु भएकाे छ । शनिबार साँझ करिब ६ बजे बिर्तामोड–२, रामचौकस्थित पूर्वपश्चिम राजमार्गमा चारपानेबाट मुक्ति चौकतर्फ जाँदै गरेको ना ३ ख ४३६४ नम्बरको ट्रकले सोही दिशामा गइरहेको मे १० प ६०१७ नम्बरको स्कुटीलाई ठक्कर दिएको जिल्ला प्रहरी कार्यालय झापाले जनाएको छ ।ठक्करबाट गम्भीर घाइते भएकी शिवसताक्षी नगरपालिका वडा नम्बर ७ निवासी २२ वर्षीया रोजी कटुवाललाई बिर्तासिटी अस्पतालमा प्रारम्भिक उपचारपछि थप उपचारका लागि बीएण्डसी अस्पताल लगिएको थियो । तर, राति ८:१५ बजे चिकित्सकहरूले उनलाई मृत घोषित गरेकाे जिल्लाका डिएसपी कृष्णकुमार चन्दले जानकारी दिए । कटुवालको दुवै हात, खुट्टा र अनुहारमा गहिरो चोट लागेको प्रहरीले जनाएको छ ।
