साङ्केतिक तस्वीर
झापा । करेन्ट लगाएर माछा मार्दा झापाको बुद्धशान्तिमा एकजनाको मृत्यु भएको छ ।
गएराति १० बजे बुद्धशान्ति गाउँपालिका वडा नं.१ नमुना बस्तीमा रहेको दामा खोलामा करेन्ट लगाएर माछा मार्दा हल्दिबारी गाउँपालिका वडा नं.३ घर भएका अन्दाजी २० वर्षका सुशिल लिम्बूको मृत्यु भएको जिल्ला प्रहरी कार्यालय झापाले जनाएकाे छ । बुद्धशान्ति गाउँपालिका वडा नं.१ दामा खोला झोलुङ्गे पुल निर्माण उपभोक्ता समितिका कामदार लिम्बूले आफू बस्ने छाप्राबाट बिजुलीको तार जोडी माछा मार्ने क्रममा अचानक करेन्ट लागेको थियो ।
घाइतेलाई उपचारको लागि बीएण्डसी अस्पताल बिर्तामोड ल्याइएकोमा उपचारको क्रममा राति १०ः५० बजे मृत्यु भएको हो । सो सम्बन्धमा थप अनुसन्धान कार्य जारी रहेको प्रहरीले जनाएकाे छ ।
