झापा । नेपाल भारत मैत्रि संघ झापाको पहलमा भारतले नेपालबाट निकासी हुनबाट रोकेको नेपाली चियालाई भारत जान दिएको छ । चियाको प्रयोगशाला परीक्षण गर्ने बहानामा भारतले पछिल्लो केहि समयदेखि नेपाली चिया भारतको पानीट्यांकीमा रोकेको हो ।
वैशाख पहिलो साता पनि रोकिएको चिया खुल्ला गरेको केही दिनमै पुुनः भारतले रोकेको २४ वटा ट्रक हिजो भारत तर्फ गएको हो ।
भारतीय राजदूतावासका प्रथम सचिव डा.साहिल कुमार झापा भ्रमणमा रहेकाे समयमा चिया निकासी रोकको सम्वन्धमा कुरा राखेपछि निकासी खुला गरीदिन आदेश दिएलगतै चिया निर्यात खुलेको नेपाल भारत मैत्री संघका झापाका अध्यक्ष प्रदिपमणी रेग्मीले जानकारी दिए ।
भारतीय राजदूतावासका प्रथम सचिव डा.साहिल कुमारले झापा रहदा नेपाल भारतको भद्रपुर स्थित मेची सिमाना अवलोकन समेत गरेका थिए भने चिया निर्यातमा आउने समस्यालाइ दिर्घकालीन रुपमा समाधान गर्न पहल गर्ने समेत आश्वासन दिएकाे रेग्मीले वताए ।
भद्रपुर नगरपालीकाका प्रमुख गणेश पोखरेल, झापा उध्योग संघका अध्यक्ष यमवहादुर श्रेष्ठ समेतले सचिव साहिललाइ भद्रपुरमा स्वागत तथा सम्मान गरेका थिए ।
