झापाको दमकमा श्रीमतीको हत्या गरी श्रीमानले आत्महत्या गरेका छन् आज दिउँसो २ बजेतिर दमक वडा नं. १ सिरपाली चोक बस्ने ४२ वर्षीय धनबहादुर दर्जीले खुकुरी प्रहार गरी आफ्नी श्रीमती ४२ वर्षीया बिजयकुमारी दर्जीको हत्या गरी आफूले झुन्डिएर आत्महत्या गरेका हुन् । एक आपसमा .विवाद गरी झै–झगडा हुँदा धनबहादुरले श्रीमतीलाई टाउको र बायाँ हातमा खुकुरी प्रहार गरेका थिए ।
श्रीमतीलाई बोल्न नसक्ने गम्भीर घाइते बनाई धनबहादुर सोही घरको अर्को कोठाको सिलिङ पंखामा सलको पासो लगाई झुन्डिएका थिए । झुन्डिएको अवस्थामा उनकी छोरी २५ वर्षीया प्रियंका दर्जीले देखेर पासो काटेकी थिइन् ।
गंभीर घाइते दुबैलाई दमक अस्पताल दमक पुर्याई डाक्टरले चेकजाँच गर्दा मृत्यु भइसकेको थियो । कानुनी प्रकृया पुरा गरी पोस्टमार्टमको लागि दुवै शव सोही अस्पतालमा राखिएको प्रहरीले जनाएको छ ।
