झापा । भारतबाट लागूऔषध भित्र्याउन खोज्ने एक भारतीय नागरिक मेची पुलमा पक्राउ परेका छन् ।
शनिबार साँझ साढे ५ बजेको समयमा मेचीनगर नगरपालिका वडा नं. ६ स्थित पुरानो मेची पुलमा लागूऔषध नियन्त्रण ब्युरो काँकडभिट्टा र इलाका प्रहरी कार्यालय काँकडभिट्टाबाट खटिएको संयुक्त प्रहरी टोलीले भारतबाट नेपालतर्फ आउँदै गरेको डब्लु बी ७४ वाई २१४१ नं.को भारतीय मोटरसाइकललाई रोकी मोटरसाइकल चालक भारत दार्जिलिङ खोरीबारी पानीटंकी बस्ने ३६ वर्षीय बब्लु रायलाई चेकजाँच गर्दा उनले लगाएको पाईन्टको गोजीमा प्लाष्टिकबाहेक ११ ग्राम ३०० मिलिग्राम ब्राउनसुगर फेला परेको जिल्ला प्रहरी कार्यालय झापाले जनाएकाे छ ।
उनलाई मोटरसाइकलसहित नियन्त्रणमा लिई आवश्यक कारवाहीको लागि इलाका प्रहरी कार्यालय काँकडभिट्टामा राखिएको प्रहरी कार्यालयले जनाएको छ ।
