। राप्रपालाई फुटाएर नयाँ राजनीतिक पार्टी गठनको तयारीमा रहेका दुर्गा प्रसाईले धवल शम्सेर राणालाई झापामा ल्याएका छन् । राष्ट्र,राष्ट्रियता,धर्म ,संस्कृति र नागरिक बचाउ महाअभियानलाई हिन्दुवादी राजनीतिक दलमा रुपान्तरण गर्नका लागि आज भद्रपुरमा समर्थकहरुको भेला राखिएको छ । बिहान ११ः०७ बजे चन्द्रगढी विमानस्थलमा राष्ट्र,राष्ट्रियता ,धर्म ,संस्कृति र नागरिक बचाउ महाअभियानका नेता धवल शम्सेर राणा बुद्ध एअरको BHA U ४–९५३ नं बिमानबाट आएका हुन् । राणालाई स्वागत गर्नको लागि नागरिक बचाउ महाअभियानका केन्द्रीय संयोजक दुर्गा प्रसाईको नेतृत्वमा ५०/६० जना समर्थकहरु विमानस्थल पुगेका थिए ।
त्यहाँबाट राणा बाग्मती प्र ०१–०२८ च ०२०१ नम्बरको गाडीद्वारा ११ः३१ बजे सगरमाथा चोकस्थित होटल डेग्लोतर्फ आएका छन् । त्यही भेटघाट कार्यक्रम रहेको छ । त्यस्तै बिर्तामोडस्थित तक्षशीला प्रोग्रेसीभ इङ्लिस स्कुलमा पनि राणाको उपस्थितिमा कार्यक्रम रहेको बुझिएको छ । उनी आज राति होटल हेभनमा रहने स्रोतले जनाएको छ । राणा राप्रपाबाट अलग भएर दुर्गा प्रसाईसंग मिलेका हुन् । राणाको आगमनले धेरै राप्रपाका कार्यकर्ता प्रसाईको अभियानमा जाने देखिएको छ ।
