झापा । स्रोत नखुलेको १४ लाख १० हजार रुपैयाँ नगदसहित एक व्यक्तिलाइ प्रहरीले पक्राउ गरेकाे छ।
सर्लाही लालबन्दी नगरपालिका-१४ स्थित लखन्देही खोलामा प्रहरी चौकी पथ्थरकोटबाट खटिएको गस्ती टोलीले स्रोत नखुलेको रकम सहित एक जनालाई पक्राउ गरेको हो।
प्र.२-०३-०११ प ८३५७ नम्बरको २२० सीसीको पल्सर मोटरसाइकलमा अवैध रूपले स्रोत नखुलेको नगद १४ लाख १० हजार रुपैयाँ बरामद र एक जनालाई पक्राउ गरिएको जिल्ला प्रहरी कार्यालय सर्लाहीका प्रमुख एसपी दयानिधी ज्ञवालीले जानकारी दिए। मोटरसाइकल चालक जिल्ला सर्लाही लालबन्दी नगरपालिका १४ बस्ने अन्दाजी ४६ वर्षीय धनबहादुर पाख्रिन पक्राउ परेका हुन्।
प्रहरीका अनुसार पाख्रिन पछाडि बोकेको कालो झोलामा अवैध रकम राखेर सवार हुँदै थिए। पक्राउ परेका पाख्रिनलाई इलाका प्रहरी कार्यालयमा ल्याई आवश्यक अनुसन्धान कार्य भईरहेको प्रहरीले जनाएको छ।
