फायल तस्वीर
झापा । भारतबाट नेपाल तर्फका सुरक्षाकर्मीकाे मिलाेमताेमा इलामको पशुपतिनगर नाकाबाट भित्रिएको १५ कार्टुन सिक्किमे रक्सी झापाको बुद्धशान्तिमा बरामद गरिएको छ ।
तीन दिनअघि बुद्धशान्ति ४ बर्नेस्थित मेची राजमार्गमा इलाका प्रहरी कार्यालय बुधबारेबाट खटिएको टोलीले इलामबाट झापातर्फ आउँदै गरेका बिभिन्न सवारी साधनहरु चेकजाँच गर्ने क्रममा अबैध रुपमा ल्याउँदै गरेको सिक्किमे गोल्ड मेलोन ब्राण्डी नामक अबैध रक्सी १८० पिस (१५कार्टुन) बरामद भएको जिल्ला प्रहरी कार्यालय झापाले जनाएकाे छ ।
अन्दाजी ६१ हजार ६३२ रुपैयाँ बराबरको सो रक्सी आवश्यक कारवाहीको लागि आन्तरिक राजश्व कार्यालय भद्रपुरमा बुझाएको जिल्लाका डिएसपी खगेन्द्रबहादुर खड्काले जानकारी दिए ।
