चन्द्रगढी युवा क्लबको आयोजनामा दोस्रो चन्द्रगढी नकआउट फुटबल प्रतियोगिता २०८२ आगामी मंसिर ६ गतेदेखि सुरु हुने भएको छ।
यो प्रतियोगिता मेची रंगशाला, भद्रपुरमा सञ्चालन हुने क्लबले जनाएको छ। प्रतियोगितामा ८ टिमको सहभागिता रहनेछ। झापा लगायतका विभिन्न जिल्लाका उत्कृष्ट टिमहरूले यस प्रतियोगितामा प्रतिस्पर्धा गर्नेछन्।
प्रतियोगिताको उद्देश्य स्थानीय खेलाडीहरूमा फुटबलप्रतिको रुचि र क्षमता विकास गर्नु, साथै युवाहरूलाई खेलकुदतर्फ प्रोत्साहित गर्ने रहेको क्लबका अध्यक्षले बताएका छन्।
प्रतियोगिता अन्तर्गत पहिलो चरणका खेलहरू मंसिर ६ गतेदेखि दैनिक रूपमा सञ्चालन हुनेछन्। विजेता टिमलाई आकर्षक ट्रफी, मेडल र नगद पुरस्कार प्रदान गरिने आयोजकले जानकारी दिएको छ।
चन्द्रगढी युवा क्लबले यसअघि आयोजित पहिलो संस्करणमा पनि स्थानीय र बाहिरी टिमहरूको राम्रो सहभागिता पाएको थियो। क्लबले यसपटकको दोस्रो संस्करणलाई अझ भव्य र व्यवस्थित रूपमा सञ्चालन गर्ने तयारी गरेको जनाएको छ।
