झापा । सरकारी किर्ते कागजातमा मुद्दा खेप्दै आएका झापाका एक फरार अभियुक्तलाइ प्रहरीले नियन्त्रणमा लिएको छ । शिवसताक्षी नगरपालिका दुधेका ५२ वर्षिय हर्कधन सेवा लिम्बूलाइ नियन्त्रणमा लिएको इलाका प्रहरी कार्यालय झिलझिलेले जानकारी दिएको छ ।
घटना विवरण अनुसार लिम्बूले ०७८ सालमा सोहीनगरपालिकामा रहेको एउटा घरको नक्कली घरजग्गा पास निकालेको आरोपमा पक्राउ परी मुद्दा खेप्दै आइरहेका थिए ।
मुद्दा अनुसन्धानका क्रममा लिम्बूलाइ हाजिरी जमानीमा छाडिएको भएपनि उपस्थित नभएपछि नियन्त्रणमा लिएको इलाका प्रहरी कार्यालय झिलझिलेका इन्सपेक्टर अनिश बुढाथोकीले जानकारी दिए ।
लिम्बूलाइ बुधबार नियन्त्रणमा लिएको उनले बताए । मुद्दाको टुङ्गो लागिसकेकोले झापा जिल्ला अदालत उपस्थित गराइने उनले जानकारी दिए ।
