साङ्केतिक तस्वीर
झापा । मोटरसाइकलको ठक्करबाट झापाको शिवसताक्षीमा एक पैदलयात्रीको मृत्यु भएको छ ।
मृत्यु हुनेमा शिवसताक्षी नगरपालिका ८ बस्ने ६० वर्षीय पुष्प दास रहेका छन् ।
जिल्ला प्रहरी कार्यालय झापाले दिएकाे जानकारी अनुसार साेमबार साँझ ६ बजेतिर शिवसताक्षी नगरपालिका वडा नम्बर ८ बुद्धचौकस्थित पूर्वपश्चिम राजमार्गमा डुँडामारी चौकबाट झिलझिलेतर्फ जाँदै गरेको प्र १–०१–०१७ प ६५६९ नम्बरको मोटरसाइकलले पैदलयात्री दर्जीलाई ठक्कर दिएको थियो ।
गम्भीर घाइते भएका दर्जीलाई उपचारका लागि लालीगुराँस हेल्थ केयर
सेन्टर झिलझिले लगिएकोमा थप उपचारको लागि बिर्तासिटि अस्पताल बिर्तामोड
ल्याइएको थियो । मङ्गलबार साँझ ६.३० बजे उपचार क्रममा उनको मृत्यु भएको प्रहरीले जनाएको छ । मोटरसाइकल चालक शिवसताक्षी नगरपालिका ८ बस्ने
३० वर्षीय दुरेन शेर्मा लिम्बूलाई इलाका प्रहरी कार्यालय झिलझिलेले
नियन्त्रणमा लिएको जिल्लाका डिएसपी खगेन्द्र बहादुर खडकाले जानकारी दिए ।
