झापा । स्वास्थ्य शिविरमा ६३९ जनाले उपचार सेवा लिएका छन् । शनिबार नेपाली सेनाको चारआली स्थित अरिदमन गणले मेचीनगर–२ को वडा कार्यालयको समन्वयमा वृहत निःशुल्क स्वास्थ्य शिविर आयोजना गरेको हो ।
बौद्वमोड नजिकै मेची जनसाधारण माविको परिसरमा आयोजना भएको स्वास्थ्य शिविरमा ६३९ जनाले उपचार सेवा लिएको वडाध्यक्ष दिपक बरालले जानकारी दिए ।
उनका अनुसार शिविरमा सेवा लिएका ६३९ जनाले मध्ये ४३७ महिला र २०२ जना पुरुष रहेका छन् । शिविरमा २७० जनाले आँखा, १७ जनाले छाती, ६१ जनाले गाइनो, १८९ जनाले अर्थो र १०२ जनाले नाक, कान र घाँटीको उपचार गराएको बरालले बताए ।
सेना, मेची आँखा अस्पताल झापाका डाक्टरसहितको प्राविधिक टोली खटिएको र नेपाल औषधि व्यवसायी संघ झापाले औषधिहरु वितरण गरेको थियो ।
