जेनजी आन्दोलनका क्रममा इलाका प्रहरी कार्यालय दमकबाट लुटिएको विभिन्न हतियारका थप ११ राउण्ड गोली भेटिएको छ ।
हिजो साँझ ६ः४० बजे दमक ७ स्थित मानव सेवा आश्रमनजिकै भित्री सडकखण्ड छेउमा बेवारिसे अबस्थामा गोली फेला परेको हो । बेवारिसे अबस्थामा रहेको एसएलआर राईफलको राउण्ड ५ थान , इन्सास राईफलको राउण्ड ३ थान र ३०३ राईफलको राउण्ड ३ थान गरी जम्मा ११ राउण्ड गोली फेला परेको प्रहरीले जनाएको छ ।
जेनजी आन्दोलनका क्रममा इलाका प्रहरी कार्यालय दमकबाट २० थान हतियार लुटपाट भएको थियो । त्यसमध्ये ३ थान हतियार भेटिएको छ । अझै १७ थान हतियार र करिव ४ हजार राउण्ड गोली भेटिन बाँकी रहेको जनाइएको छ ।
