झापा । गाई मारेको आरोपमा दमकका ४ जना पक्राउ परेका छन् । पक्राउ पर्नेमा दमक २ भुटानी शरणार्थी शिविरका बर्ष ४४ का प्रेमबहादुर विष्ट, दमक ३ बस्ने सोही स्थानका ३८ बर्षिय खगेन्द्र दुलाल,सोही वडाका ३२ बर्षिय विधान थापा र दमक ४ की ४५ बर्षिया गिता श्रेष्ठ रहेको जिल्ला प्रहरी कार्यालय झापाले जनाएको छ ।
प्रहरीले दिएको विवरण अनुसार गत मङ्गलबार राति दमक २ का लक्षुमन विष्टको दमक १ पानी टङ्की गोठमा बाधिराखेको २ महिने गर्भेणी गाईलाइ गोठ देखि १०० मीटर पूर्व तर्फको खाली जग्गामा लगेर टाउकोमा बञ्चरो प्रहार गरेर खुट्टा,करङ तथा घाँटीको मासु लगेर बाँकी त्यही छाडेका थिए ।
घट्नापछि फरार रहेका उनीहरुलाइ खोजतलासका क्रममा फेला पारिएको जिल्लाका डिएसपी कृष्णकुमार चन्दले जानकारी दिए । घट्नामा प्रयोग भएका बञ्चरो,झोला, खुकुरी उनीहरुको कोठाबाट बरामद गरिएको डिएसपी चन्दले बताए । पक्राउ परेकाहरुमध्ये महिला बाहेक अन्य यसभन्दा अघिपनि विभिन्न अपराधिक क्रियाकलापमा संलग्न भइ कारबाहीमा परिसकेको उनले जनाए ।
उनीहरुलाइ इलाका प्रहरी कार्यालय दमकमा राखि अनुसन्धान सुरु गरिएको जनाइएको छ ।
