जेनजी प्रदर्शनका क्रममा ३० जनाको मृत्यु भएको छ भने एक हजारभन्दा बढी घाइतेका छन् ।
देशभरिका २९ अस्पतालमा ३० जनाको मृत्यु र एक हजार ६१ जना घाइते भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका सचिव डा. विकास देवकोटाका अनुसार निजामती कर्मचारी अस्पतालमा ६ जना, राष्ट्रिय ट्रमा सेन्टरमा ८ जना, एभरेष्ट अस्पतालमा तीन जना, काठमाडौँ मेडिकल कलेज सिनामङ्गलमा दुई जना, त्रिभुवन विश्वविद्यालय शिक्षण अस्पतालमा एक जना, फ्रन्टलाइन अस्पतालमा तीन जना, बिपी कोइराला स्वास्थ्य विज्ञान प्रतिष्ठान, धरानमा दुई जना र भेरी अस्पतलालमा पाँच गरी ३० जनाको निधन भएको छ ।
यस्तै अहिले ३३० जना घाइतेको उपचार भइरहेको छ भने ७१९ जनाको उपचार गरेर घर फर्किसकेका छन् ।
