झापा । युट्युब च्यानलमार्फत परिवारसँग सम्पर्कमा पुगेका भोजपुरका प्रकाश तामाङलाई कोशी प्रदेश सरकारले कृषि र पशुपालन व्यवसाय गर्न चाहेमा सहयोग गर्ने घोषणा गरेको छ ।
कोशी प्रदेशका मुख्यमन्त्री हिक्मतकुमार कार्कीले आफ्नो प्रदेशको नागरिकको पीडाबाट आफू मर्माहत भएको बताउँदै उनलाई सरकारले सहयोग गर्ने बताए । कोशी प्रदेश भित्र रहेर पशुपालन या कृषि पेशा गर्न चाहेमा सरकारले सहयोग गर्ने उनले जानकारी दिए ।
संघीय सरकारबाट नागरिकता प्राप्तिको लागि पहल भइरहेको र नागरिकता
प्राप्त हुनेबित्तिकै उनलाई सहयोग दिइने मुख्यमन्त्री कार्कीले बताए
। शैक्षिक योग्यता भएको भए सरकारी रोजगारी दिन सकिन्थ्यो तर यो नभएपछि उनको शीपलाई समेत प्रयोग गर्न सक्ने गरी कृषि या
पशुपालनमा सहयोग गर्ने तयारी गरेकाे बताए ।
पत्रकार विद्या चापागाईले गोर्खाको चुमभ्यालीमा उनलाई भेटेपछि उनको ३५ वर्षपछि परिवारसँग पुनमिलन भएको हो । ३५ वर्षदेखि परिवारसँग सम्पर्कविहिन भएका प्रकाशको पुर्नमिलनको कथा हेर्ने कथा युटुव च्यानलमा हराएको वर्ष शिर्षकमा राखिएको छ ।
