झापा । आउँदै गरेको हरितालिका(तीज)को अवसरमा कालीमन्दिर टोल विकास संस्था भद्रपुर ७ ले तीज विषेश कार्यक्रम सम्पन्न गरेको छ । संस्थाका अध्यक्ष हुतराज(उत्तम)नेपालको सभापतित्व एवम नगर उपप्रमुख राधा कार्कीको प्रमुख आतिथ्यमा बुधबार पात्तालकाली मन्दिर पसिरमा सम्पन्न भएको हो ।
प्रमुख अतिथि कार्कीले ब्यानर वाचन गर्दै सामूहिक नृत्य गरेर कार्यक्रमको उदघाटन गरिएको थियो । उनले कार्यक्रममा सवै महिला एकजुट हुन आव्हन गरेकी थिइन् । सोही कार्यक्रममा हरितालिका तीजको महिमाका बारेमा बालव्यास पण्डित कमलनयन निरौलाले चर्चा गरेका थिए ।
सहसचिव हिमा न्यौपानेले स्वागत र सचिव जीवनमणि लम्सालले सञ्चालन गरेको कार्यक्रममा वडा नम्बर ७ का वडाध्यक्ष अभिषेक ढुङ्गानाले शुभकामना मन्तव्य राखेका थिए भने अध्यक्ष नेपालले धन्यवाद ज्ञापन गरेका थिए ।
निस्मा निरौला र स्नेहा खनालले सञ्चलन गरेको साँस्कृतिक कार्यक्रममा तीज विषेश सामूहिक नृत्य गरेर दर खाएका थिए ।
