झापा / इलामकाे इलाम नगरपालिका ५ कुतेडाँडामा एक छाेराले आफ्नै आमामाथि खुकुरी प्रहार गरेर घाइते बनाएका छन् ।
साेमबार दिउँसाे १ः३० काे समयमा ६६ वर्षीया भिममाया राईलाई उनका छाेरा ४४ वर्षीया चन्द्रबाहादुर राईले मादक पदार्थ सेवन गरि लछार पछार पार्दै आमामाथि खुकुरी प्रहार गरेकाे प्रहरीले जानकारी दिएकाे छ ।
प्रहरीका अनुसार खुकुरी प्रहारबाट भिममायाकाे बाँया गाला काटिएकाे छ । उनीलाई घटना स्थलबाट उद्दार गरि उपचारका लागि जिल्ला अस्पताल इलाम लगिएकाे छ ।
खुकुरी र खुकुरी प्रहार गर्ने राईलाई अस्थायी प्रहरी पाेष्ट बिब्ल्याटेले नियन्त्रणमा लिएर थप अनुसन्धानका लागि जिल्ला प्रहरी कार्यलय ल्याएकाे जिल्ला प्रहरी कार्यालय इलामले जानकारी दिएकाे छ ।
