झापा । वैदेशिक रोजगारमा पठाइदिन्छु भन्दै ठगी गरेको अभियोगमा नेपाल प्रहरीले दुई जनालाई पक्राउ गरेको छ ।
पक्राउ पर्नेमा सुनसरी ईनरुवा नगरपालिका- ३ घर भई काठमाडौंकाे चन्द्रागिरी नगरपालिका- ११ नैकाप बस्ने ३९ वर्षीय सत्यन्द्र श्रेष्ठ र बागलुङकाे काठेखोला गाउँपालिका- ५ घर भई काठमाडौं महानगरपालिका- १६ वनस्थली बस्ने २७ वर्षीय विवेक कँडेल रहेका छन् ।
पक्राउ परेकामध्ये सत्यन्द्रले क्यानडा पठाईदिन्छु भन्दै पीडितहरूबाट ३८ लाख २० हजार रूपैयाँ ठगी गरेको र विवेकले माल्टा पठाईदिन्छु भन्दै ३ जना पीडितबाट ३ लाख रूपैयाँ ठगी गरेको खुल्न आएको प्रहरीले जनाएको छ ।
काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले सत्येन्द्रलाई काठमाडौं अनामनगर र विवेकलाई काठमाडौं बागबजारबाट पक्राउ गरेको हो ।
उनीहरूलाई थप अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको प्रहरीले जनाएको छ ।
