। सशस्त्र प्रहरी बल नेपालले करिव १८ लाख मूल्य बराबरको अवैध मोटर पार्टस बरामद गरेको छ । विशेष सूचनाका आधारमा झापाको पूर्वपश्चिम राजमार्ग क्षेत्रमा चेकजाँचका क्रममा अनुमानित मूल्य १७ लाख ९९ हजार रुपैयाँ बराबरको मोटर पाट्र्स बरामद गरिएको हो । आज आइतवार विदा भएकाले भन्सार कार्यालयमा दाखिला गर्न नसकिएकाले दाखिला मूल्य फरक पर्न सक्ने जनाइएको छ ।
त्यस्तै सशस्त्र प्रहरी बल नेपाल नं. ३८ रिजर्भ गणबाट सशस्त्र प्रहरी उपरीक्षक दिनेश कुमार बस्नेतको नेतृत्वमा खटिएको टोलीले पूर्वपश्चिम राजमार्गमा चेकजाँच गर्ने क्रममा ४ लाख मूल्य बराबरको लत्ताकपडाहरु बरामद गरेको छ।
नजिकिंदो चाडपर्वलाई लक्षित गरी भारतबाट अवैध रुपमा सामान भित्र्याउने क्रम बढेसंगै सशस्त्र प्रहरीले कडाई गरेको हो । सशस्त्र प्रहरीले सीमा क्षेत्रमा हुने अवैध ओसारपसार तथा चोरी–निकासी नियन्त्रणका लागि निगरानी र चेकजाँचलाई थप कडाइ गरेको जनाएको छ ।
