साङ्केतिक तस्वीर
झापा । घरमा विरामी हेर्न आएका छिमेकीलाई विरामीले नै हतियार प्रहार गरी घाइते बनाएका छन् ।
गएराति ८.३० बजे पाँचथर फालेलुङ गाउँपालिका ६ दबैपानी बस्ने ४७ वर्षीय धनप्रसाद राईले आफूलाई हेर्न आएका छिमेकीलाई हतियार प्रहार गरेका हुन् । पहिले अत्यधिक मादक पदार्थ सेवन गर्ने गरेका राईलाई मादक पदार्थ सेवनबाट छुटाएपछि उनी बिरामी भई घरमा बसेका थिए ।
उनलाई हेर्न छिमेकी ४७ वर्षीय रामप्रकाश राई आएका थिए । धनप्रसादले अचानक धारिलो हतियारले रामप्रकाशको टाउकोमा प्रहार गरी घाइते बनाएका हुन् । उनलाई स्थानीय मेडिकलमा लगिएको थियो । विरामी र हतियार प्रहारबाट घाइते दुवै जनालाई उपचारको लागि जिल्ला अस्पताल फिदिमतर्फ ल्याइउकाे प्रहरीले जनाएको छ ।
