साङ्केतिक तस्वीर
झापा । सवारी दुर्घटनामा पैदल यात्रीलाइ ठककर दिएर घाईते बनेका भारतीय नागरिककाे उपचारको क्रममा मृत्यु भएकाे छ । मृत्यु हुनेमा देश भारत बहादुरगञ्ज घर भई हाल जिल्ला झापा बिर्तामोड नगरपालिका वडा नम्बर ३ शैनिकमोड स्थित डेरा गरी बस्ने अन्दाजी बर्ष ६५ को आसारुलाल पानवारी रहेकाे जिल्ला प्रहरी कार्यालय झापाले जनाएकाे छ ।
घटना विवरण अनुसार कात्तिक १ गते साँझ साँढे ६ बजे बिर्तामोड नगरपालिका वडा नम्बर ३ बिर्ताबजार स्थित बिर्तामोड भद्रपुर सडकखण्डमा बनियानीबाट बिर्ताबजार तर्फ आउदै गरेको मे १ च ५९३० नम्बरको छोटा हात्ती गाडीले पैदल यात्री लाई ठक्कर दिएकाे थियाे । घटनापछि टाउकोमा चोट लागी बिर्तासिटी अस्पतालमा बिर्तामोडमा उपचार भई अबस्था गम्भिर रहेकोमा गएराति २ बजे मृत्यु भएकाे जिल्लाका डिएसपी कृष्णकुमार चन्दले जानकारी दिए । ठक्कर दिने छोटा हात्ती गाडी र चालक कन्काई वडा नम्बर ८ बस्ने बर्ष ४६ को मान बहादुर भुजेललाई नियन्त्रणमा लिई इलाका प्रहरी कार्यालय अनारमनीमा ल्याई राखिएको उनले जनाए ।
