झापाको कनकाई नगरपालिका–२ झण्डी खोप नजिक एक पुरुष मृत अवस्थामा फेला परेका छन्।
आज शुक्रबार दिउँसो करिब १२:३० बजेको समयमा अन्दाजी ४०–४२ वर्ष उमेरका पहाडी मूलका जस्तो देखिने अज्ञात पुरुष घोप्टो परि मृत अवस्थामा फेला परेको जिल्ला प्रहरी कार्यालय झापाले जानकारी दिएको छ। मृतकको नाम, थर र ठेगाना खुल्न बाँकी रहेको प्रहरीले जनाएको छ।
घटनास्थलमा इलाका प्रहरी कार्यालय अनारमनीबाट प्रहरी अधिकृतको कमाण्डमा टोली खटाई अनुसन्धान र कानुनी प्रक्रिया अगाडि बढाइएको प्रहरीका अनुसार जनाएको छ।
मृतकको मृत्युको कारण हालसम्म खुलेको छैन। शवलाई आवश्यक कानुनी प्रक्रिया पूरा गरी पोस्टमार्टमका लागि पठाइने तयारी भइरहेको प्रहरीले जनाएको छ।
प्रहरीले घटनाबारे थप अनुसन्धान जारी रहेको जनाएको छ।
