भद्रपुर । झापाकाे कचनकवल गाउँपालिकामा पालिका प्रमुखले आफ्नै प्रमुख प्रशासकीय अधिकृतकाे सरुवाको लागि मन्त्रालय धाएका छन् ।
पालिका प्रमुख कालेन्द्र सिह राजवंशीले अधिकृत हिरा कुमारी यादवकाे सरुवाकाे लागि पालिकामा खबरै नगरि संघीय मामिला तथा सामान्य प्रशासन मन्त्रालय काठमाडौमा पालिकाकाे लेटर प्याड र छाप प्रयाेग गरि सरुवा गरिदिन माग गरेका छन् ।
२०७९ असार ५ गतेदेखि पालिकामा हाजिर भएर कार्य सम्पादन गरेकि यादवले पालिका बिरुद्ध कुनै पनि कार्य नगरेकाे र अध्यक्ष राजवंशीले आफ्नो स्वार्थ पूरा नहुने देखेर अहिले सरुवाको लागि पालिकाकाे दैनिकी कार्यलाई असर पारेर लागिपरेकाे आराेप उपाध्यक्ष नवराज भट्टराईलगायत छ जना वडा अध्यक्ष र तीन जना कार्यपालिका सदस्यहरुले संयुक्त हस्ताक्षर गरेकाे पत्रमा उल्लेख गरिएकाे छ ।
उपाध्यक्ष भट्टराईले विगत ९ महिना देखि अध्यक्ष राजवंशीले विभिन्न वहाना देखाउदै पटक पटक अधिकृतकाे सरुवा गर्नुपर्छ उहाँबाट हाम्रो कार्यमा असर पर्ने भाे भनेर गाउँपालिका सदस्यहरु विच कुरा गरिरहनु भएकाे थियाे तर हामीले अधिकृतकाे कार्यमा कुनै खाेट नभएकाेले याे कुरा नगर्नु भनेर भन्दा पनि नमानेर हामीलाई थाहै नदिएर सुटुक्क मन्त्रालय गएर सरुवा गर्न माग गर्नु भएकाे पछि थाहा पाएकाे उपाध्यक्ष भट्टराईकाे भनाई छ ।
भट्टराईले भने गत असार १० गते बजेट पारित भएपनि अध्यक्षले खर्चको अख्तियारी नदिएकाे कारणबाट पालिकाका कर्मचारीले तलव पाएका छैनन् भने कार्यलयकाे दैनिकीमा पनि असर पुगेकाे छ ।
देश प्रदेश खबरबाट अध्यक्ष राजवंशीलाई पटकपटक माेवाईलमा सम्पर्क गर्दा सम्पर्क हुन सकेन ।
