झापा । झापाको बिर्तामोड नगरपालिका- ३ स्थित सूर्यनगर टोलमा रहेको रिद्धिसिद्धी भेनियर प्लाई फ्याक्ट्रीमा आज बिहान आगलागी भएको छ ।अनुप अग्रवालले सञ्चालन गरेको सो प्लाई फ्याक्ट्री नजिकै साइडमा प्लाई बनाउन प्रयोग हुने कच्चा पदार्थ–भेनियर राखेको ठाउँमा बिहान ४ बजे आगलागी भएको हो । आगलागीबाट अन्दाजी ३ तीन लाख बराबरको क्षति भएको प्रहरीले जनाएको छ ।
इलाका प्रहरी कार्यालय अनारमनिबाट खटिएको प्रहरी टोली, बिर्तामोड नगरपालिकाको दमकल, बिर्तामोड नगरपालिकाको ट्याङ्कर, मेचीनगर नगरपालिकाको दमकल र स्थानीयहरूको सहयोगमा बिहान सवा पाँच बजे आगो पूर्ण रुपमा नियन्त्रणमा आएको जिल्ला प्रहरी कार्यालय झापाले जनाएको छ ।
