झापा / झापाकाे मेचीनगर नगरपालिका- ३ घर भएका काभ्रे मालपोतमा कार्यरत खरिदार ज्ञानेन्द्रप्रसाद भण्डारी घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले भण्डारीलाई बुधबार बिहान
कार्यालयबाटै नियन्त्रणमा लिएको होे । भण्डारीले छुट जग्गा दर्ता गराउने
भन्दै घुस लिएको खुलेको छ ।
काभ्रेको साविक दोलालघाट गा.वि.स. वडा नं. ७ मा रहेको फिल्ड बुकमा दर्ता
छुट जग्गा दर्ता गराउने गर्ने प्रयोजनका लागि सेवाग्राहीसँग उनले घुस
मागेको उजुरी अख्तियारमा परेको थियो ।
सोही उजुरीको आधारमा अख्तियारको टोलीले बुधबार मालपोत कार्यालय काभ्रेमा छापा मारेको थियो ।
उजुरीका
आधारमा आयोगबाट खटिएको टोलीले उनलाई सेवाग्राहीसँग लिएको २ लाख घुस र एउटा
मोबाइलसहित मालपोत कार्यालयको परिसरबाट नियन्त्रणमा लिएको हो ।
थप अनुसन्धानका लागि उनलाई अख्तियारको केन्द्रीय कार्यालय टंगाल लगिएको छ । मेचीनगर ३ स्थायी ठेगाना भएका भण्डारीको धुलिखेल–४ मा अस्थायी बसोबास रहेको छ ।
