झापा / बागमती प्रदेशका मुख्यमन्त्रीले सरकारी काेष दहन गर्दै हेलिकाेप्टर चढेर वनभाेज खान गएकाे घटना बाहिरिएकाे छ ।
नेपाली कांग्रेस सिरहा जिल्ला सभापति रामचन्द्र यादवले अंग्रेजी नयाँ वर्षको अवसरमा धनगढीमाई-१४ मा आयोजना गरेकाे वनभोज कार्यक्रमा बागमतीका मुख्यमन्त्री इन्द्र बानियाँ हेटाैंडाबाट हेलिकाेप्टर चढेर गएका हुन्।
वनभोज कार्यक्रममा सरिक हुनकै लागि उनी हेलिकाेप्टर चढेर पुगेको विषयलाई लिएर अहिले सामाजिक सञ्जालमा चर्को आलोचना भइरहेको छ । मधेस शीतलहरले कष्टकर बनिरहेको बेला आफ्नो पार्टीले आयोजना गरेको वनभोजमा सहभागी हुनकै लागि हेलिकाेप्टर प्रयोग गरेर राज्यकोषको दुरुपयोग गरेकोप्रति स्थानीयवासीले प्रश्न उठाएका छन् ।
