झापा । नगरपालिकाको भूमि प्रशासन शाखामार्फ कनकाई नगरपालिकाबाट हालसम्म ९७ जनाले भूमि प्रशासनसम्बन्धी
सेवा लिएका छन् ।नगरपालिकाका भूमि प्रशासन शाखा प्रमुख बद्रीकुमार दाहालका अनुसार
कनकाई नगरपालिकाले गत असार ८ गतेदेखि भूमि प्रशासनसम्बन्धी सेवा सञ्चालनमा
ल्याएको थियो । उनका अनुसार, भूमि प्रशासन शाखामार्फत धनीपुर्जा वितरण
तथा जग्गापाससम्बन्धी कार्य सहज रूपमा भइरहेको छ । नगरपालिकाको भूमि प्रशासन शाखामार्फत स्थानीयवासीलाई
धनीपुर्जा वितरण, जग्गापास तथा कित्ताकाटलगायतका सेवा प्रदान हुँदै आएको छ ।
भूमि प्रशासन तथा मालपोत सेवाअन्तर्गत धनीपुर्जा वितरण, कित्ताकाट
तथा जग्गापाससम्बन्धी कार्य सहजरूपमा अघि बढिरहेकाे उनले बताए ।
लामो प्रयासपछि भूमि
प्रशासनसम्बन्धी सेवा स्थानीय तहबाटै उपलब्ध गराउन सफल भएको नगर प्रमुख राजेन्द्रकुमार पोखरेलले बताए । यसबाट नगरवासीले सहज, छिटो र पारदर्शी रूपमा सेवा पाउन थालेको
उनकाे भनाइ छ ।
कनकाई नगरपालिकामा भूमि प्रशासनसम्बन्धी सेवा प्रवाहका लागि १३ जना कर्मचारी खटाइएको नगरपालिकाले जनाएको छ ।
