झापा / भिषण वर्षापछि आएकाे बाढी पहिराेकाे कारण इन्डाेसियमा मृत्यु हुनेकाे सङ्ख्या १६४ पुगेकाे छ भने मृतककाे अझै बढ्ने सक्ने उद्दारमा खटिएकाहरुले बताएका छन् ।
इन्डोनेसियाको सुमात्रा टापुमा मङ्गलबार ज्यान गुमाउनेको सङ्ख्या १६४ पुगेकाे छ भने बाढी र पहिरोमा परी बेपत्ता ७९ जना मानिसहरूको खोजी जारी रहेकाे छ ।
बाढीले सडकमा क्षति पुगेको उल्लेख गर्दै आवाश्यक उपकरणको अभावका कारण उद्धारकर्मीहरूले कठिनाइको सामना गरिरहेका इन्डोनेसियाका अधिकारीहरूले विज्ञप्ति मार्फत जानकारी दिएका छन् ।
इन्डोनेसियाको राष्ट्रिय विपद् व्यवस्थापन एजेन्सी (बिएनपिबी) ले सुरुमा १७४ जनाको मृत्यु भएको रिपोर्ट गरेकोमा हाल मृतकको सङ्ख्या १६४ मा संशोधन गरेको छ । एजेन्सीका प्रमुख सुहारियान्तोले पत्रकार सम्मेलनमा उत्तरी सुमात्रा प्रान्तमा मृतकको सङ्ख्या ११६ पुगेको र उद्धारकर्ताहरूले टापुको पश्चिममा २३ जनाको शव बरामद गरेको जानकारी दिए।
उनले उद्धार टोलीहरूले उत्तरी सुमात्राका १२ सहर र जिल्लाहरूमा प्रभावित क्षेत्रहरूमा पुग्न कठिनाइको सामना गरिरहेको पुष्टि गर्दै बाढीले १७ हजार भन्दा बढी घरहरू डुबानमा पर्दा लगभग २३ हजार मानिसहरु विस्थापित भएको जानकारी दिए ।
