झापाको भद्रपुर नगरपालिका–४ मन्त्रीचोकमा सोमबार राति राधाकृष्णको अष्टजाम हेर्न गएका दुई समूहबीच झडप हुँदा एक किशोर घाइते भएका छन्।
जिल्ला प्रहरी कार्यालयका अनुसार मिति २०८३ साल बैशाख ७ गते राति करिब ९:३० बजेतिर भएको उक्त घटनामा कचनकवल गाउँपालिका–४ निवासी १७ वर्षीय बिक्रम माझी घाइते भएका हुन्। उनको टाउको र कानमा चोट लागेको छ। हाल उनको अवस्था मध्यम रहेको र स्थानीय मेडिकलमा उपचार भइरहेको प्रहरीले जनाएको छ।
घटनापछि भद्रपुर प्रहरी कार्यालय बाट खटिएको प्रहरी टोलीले कुटपिटमा संलग्न चार जनालाई नियन्त्रणमा लिएको छ।
नियन्त्रणमा लिइएका व्यक्तिहरूमा:
- भद्रपुर नगरपालिका–७ बोक्तोबारी बस्ने १८ वर्षीय आदित्य सहनी
- सोही स्थानका १९ वर्षीय रोमन मिस्त्री
- सोही स्थानका १८ वर्षीय बिबेक राजबंशी
- भद्रपुर–६ फुटानीचोक बस्ने १८ वर्षीय प्रल्हाद राजबंशी रहेका छन्
प्रहरीले घटनाबारे थप अनुसन्धान गरिरहेको जनाएको छ।
