झापा / नेपालको चिकित्सा शिक्षा र स्वास्थ्य क्षेत्र सुधारका अभियन्ता प्रा. डा. गोविन्द केसीले गत बिहीबारदेखि कैलालीको धनगढीस्थित श्रीकृष्ण मन्दिरको धर्मशालाबाट आफ्नो २४औँ आमरण अनशन (सत्याग्रह) सुरु गरेका छन्।
सरकारले विगतमा पटक–पटक गरेका लिखित सम्झौताहरू कार्यान्वयन नगरेको र आफ्ना मागप्रति पूर्ण रूपमा बेवास्ता गरेको भन्दै उनले पुनः यो कठोर बाटो रोज्नुपरेको हो। अनशनको तेस्रो दिनमै स्वास्थ्य अवस्था गम्भीर बनेपछि उनलाई सेती प्रादेशिक अस्पतालको आईसीयूमा भर्ना गरिएको छ, जहाँ उनको रगतमा सुगरको मात्रा अत्यधिक घटेर चिन्ताजनक अवस्थामा पुगेको छ।
‘अस्पतालका चिकित्सकहरूको नेतृत्वमा गठित ४ सदस्यीय उपचार टोलीले उहाँको स्वास्थ्यको २४ सै घण्टा सघन अनुगमन गरिरहेको छ,’ अस्पतालले भनेको छ, ‘विगत लामो समयदेखि मधुमेहको समस्या तथा उमेरका कारण उहाँको स्वास्थ्य अवस्था जटिल बन्दै गएको छ ।
