झापा । झापाका प्रमुख जिल्ला अधिकारी(सीडीओ) बन्धुप्रसाद बास्तोलाको सरुवा भएको छ।
गृह मन्त्रालयले सोमबार निकालेको सरुवाको सूचीमा उनी पनि परेका हुन्। उनलाई गृह मन्त्रालयमा खटाइएकोे छ।
झापामा सर्लाहीका प्रमुख जिल्ला अधिकारी गोपालकुमार अधिकारीलाई खटाइएको छ।
सरकारले सात जिल्लाको प्रमुख जिल्ला अधिकारीसहित १२ अधिकारीहरूको सरुवा
गरेको छ। गृह मन्त्रालयले काठमाडौं,झापा, कैलाली, सुनसरीलगायत जिल्लाका
सिडिओहरूको सरुवा गरेको हो।
काठमाडौंका सिडिओ जयनारायण आचार्यलाई गृह मन्त्रालयमा, कैलालीका सिडिओ
धर्मेन्द्रकुमार मिश्रलाई सुनसरी, सुनसरीका सिडिओ रामचन्द्र तिवारीलाई गृह
मन्त्रालय, मोरङका सिडिओ प्रेमप्रसाद भट्टराईलाई गृह मन्त्रालय र सल्यानका
सिडिओ शम्भुप्रसाद रेग्मीलाई गृह मन्त्रालयमा सरुवा गरिएको हो।
त्यस्तै गृह मन्त्रालयका सहसचिव गोगनबहादुर श्रेष्ठलाई कैलालीको सिडिओ, तुलसीबहादुर श्रेष्ठलाई सर्लाहीको सिडिओ, इन्द्रदेव यादवलाई मोरङको सिडिओ र ऋषिराम तिवारीलाई काठमाडौंको सिडिओमा सरुवा गरिएको छ। त्यस्तै दाङका सहायक सिडिओ सावित्रा पुनलाई सल्यानको सिडिओमा सरुवा गरिएको हो।
