साङ्केतिक तस्वीर
झापा । भद्रपुरमा दिउँसै चाेरी भएकाे छ । भद्रपुर ५ दिपक पकुवालकाे घरमा डेरा गरी बस्दै आएका भद्रपुर - ६ का हेमन्त सुरानाको काेठामा बुधबार चोरी भएको हाे ।
घरमा कोही नभएको मौका छोपी दिउँसोको समयमा चोरी भएको पीडितले जनाएका छन् । उनको घरको कोठाबाट ४ तोला सुन र १ लाख ७० हजार नगद चोरी भएको दाबी गरेका छन् । उनले चोरी भएको बारेमा स्थानीय प्रहरीलाई जानकारी गराइसकेको बताए । माथिल्लाे तलामा डेरा गरी बस्दै आएका सुरानकाे काेठाबाट सामान चाेरी भएकाे निवेदन प्रहरीमा आएकाे वडा प्रहरी कार्यालय भद्रपुरका इन्सपेक्टर सञ्जीव वाेगटीले जानकारी दिए । सङ्कास्पद व्यक्तिकाे खाेजिकार्य सहित अनुसन्धान गरिरहेकाे उनले जनाए । अनुमानित ५ लाख ९० हजार रूपैयाँ बराबरकाे नाेक्सान भएकाे पीडितले निवेदन दिएकाे उनले बताए ।
चाेरी भएकाे घर र वडा प्रहरी कार्यालय नजिकै छ । सीमा नाकासँग
जोडिएको भद्रपुरमा चोरी घट्ना बढेसँगै स्थानीय चिन्तित बनेका छन् ।यस भन्दा अघिपनि भद्रपुरमा पटक -पटक चाेरीका घट्ना भइसकेका छन् ।
