झापा । स्वास्थ्य जीवनको लागि हरेक दिन ताजा फलफूल खानु पर्छ । फलमा हाम्रो शरीरलाई आवश्यक सम्पूर्ण पोषक तत्त्व पाइन्छ । जुन हाम्रो समग्र स्वास्थ्यका लागि लाभदायक हुन्छन् । फलमा फाइबरको मात्रा धेरै हुन्छ ।
अधिकांश फाइबर बोक्रामा हुन्छ । तर केही मानिसमा हरेक फलफूलको बोक्रा ताछेर मात्रै खाने बानी हुन्छ । यसरी फलफूलको बोक्रा ताछेर खाने बानीले हाम्रो शरीरमा फाइदाभन्दा धेरै हानी पुर्याउन सक्छ । बोक्रा नभएपछि फलबाट फाइबर पाइदैंन अनि कार्बोहाइड्रेट मात्रा बढ्छ । आज चाँहि हामी बोक्रासहित खानु पर्ने केही फलबारे कुराकानी गर्नेछौँ ।
स्याउ:
स्याउ बोक्रा ताछेर कहिले पनि खानु हुन्न । स्याउ बोक्रासहित खाँदा ३३२
प्रतिशत बढी भिटामिन पाइन्छ । यसरी खाँदा हाम्रो शरीरले १४२ प्रतिशत बढी
भिटामिन ए, ११५ प्रतिशत बढी भिटामिन सी पाउँछ । अनि २० प्रतिशत बढी
क्याल्सियम प्राप्त हुन्छ ।
अम्बा:
तपाई अम्बाको बोक्रा ताछेर खानु हुन्छ ? अम्बाको बोक्रामा ३१ प्रतिशत बढी फाइबर हुन्छ । यसमा कयौँ खाले एन्टीअक्सिडेन्ट पनि हुन्छ ।
नास्पाती:
कतिलाई नास्पातीको बोक्रा खस्रो लाग्छ । नास्पातीको बोक्रामा पोली
न्यूटेंट्स जस्ता हाइड्रोक्साइबेंजोइक एसिड र फ्लाभनोएड्स हुन्छ । यी
तत्त्वको मुटु र आँखाको लागि निकै लाभदायक हुन्छ । अनि यसले रक्त नलीहरूलाई
पनि बलियो बनाउँछ ।
आरु:
आरुको बोक्रा पनि ताछेर खानु हुँदैन । यसको बोक्रामा एन्टीअक्सिडेन्ट्सको
मात्रा ३२८ प्रतिशत धेरै पाइन्छ । यसबाहेक पनि आरुको बोक्रामा क्याल्शियम,
भिटामिन, फलेट, म्याग्नेशियम, फस्फोरसको मात्रा धेरै हुन्छ । यसले
क्यान्सरको जोखिम कम गर्न मद्दत गर्छ ।
आँप:
फलको राजा नै हो आँप । प्रायः हामी आँपको बोक्रा ताछेरै खान्छौँ । तर यसको
बोक्रा पनि फाइदाजनक हुन्छ । यसमा फ्याट बर्न गर्ने क्षमता हुन्छ । आँपको
बोक्रामा पोलीफेनोल्स, क्यारोटेनोएड्स, ओमेगा ३, ओमेगा ६ र पोलीस्याचुरेटेड
फ्याटी एसिड पनि पाइन्छ । जसमा क्यान्सर विरुद्ध लड्ने क्षमता हुन्छ ।
पाकेको आँपको हामी प्रायः बोक्रा खाम्दैनौँ । तर बोक्रामा भएको गुणहरू लिन
चाहनेले काँचो आँप नताछीकन खान सक्नुहुन्छ ।
