साङ्केतिक तस्विर
झापा । आपसी विवादका क्रममा भएको कुटपिटबाट झापाको मेचीनगरमा एक जनाको मृत्यु भएपछि प्रहरीले हत्या अभियोगमा एक व्यक्तिलाई पक्राउ गरेको छ।
मेचीनगर नगरपालिका–१५ निलकोठी निवासी ५५ वर्षीय रुद्र श्रेष्ठको मृत्यु भएपछि सोही घटनामा संलग्न रहेको आरोपमा तनहुँ घर भई हाल मेचीनगर–१५ स्थित माँ पाथीभारा प्लाई फ्याक्ट्रीमा काम गर्दै आएका ३५ वर्षीय रामबहादुर गौतमलाई प्रहरीले नियन्त्रणमा लिएको हो।
प्रहरीका अनुसार गएराति राति फ्याक्ट्री परिसरमा रुद्र श्रेष्ठ र
रामबहादुर गौतमबीच कुनै विषयलाई लिएर विवाद भएको थियो। विवाद चर्किँदै
जाँदा रामबहादुरले श्रेष्ठमाथि कुटपिट गरेका थिए। कुटपिटबाट गम्भीर घाइते
भएका श्रेष्ठलाई तत्काल उपचारका लागि प्रादेशिक अस्पताल भद्रपुर लगिएको
थियो। उपचारका क्रममा साेमबार विहान मृत्य भएकाे प्रहरीले जनाएकाे छ ।
