करिव दुई लाख रकमसहित ७ जना जुवाडे सुनसरीको कोशी गाउँपालिका वडा न. १ लौकहीमा पक्राउ परेका छन् ।
गएराति ११ः२० बजे कोशी गाउँपालिका वडा न. १ लौकहीमा जुवा खेलिरहेको भन्ने गोप्य सूचनाको आधारमा जिल्ला प्रहरी कार्यालय सुनसरीबाट प्रहरी टोली खटिँदा अरुणकुमार यादवको गोदाम घरमा जुवा तास खेलिरहेको अवस्थामा ७ जना जुवाडे पक्राउ परेका हुन् । पक्राउ पर्नेहरुमा सुनसरी भोक्राहा नरसिंह गाउँपालिका वडा न. १ बस्ने ५२ वर्षीय रमानन्द महतो , कोशी– ५ स्थायी घर भई हाल कोशी –१ बस्ने ३८ वर्षीय विनोदकुमार यादव , इनरुवा नगरपालिका वडा न. ९ स्थायी घर भई हाल कोशी –१ बस्ने ४४ वर्षीय योगेन्द्रप्रसाद यादव , कोशी –१ बस्ने ५० वर्षीय राजेशकुमार सुब्बा , भोक्राहा नरसिंह गाउँपालिका वडा न. १ बस्ने ४० वर्षीय दिनेशकुमार साह , कोशी –१ बस्ने ४६ वर्षीय अरुणकुमार यादव र भोक्राहा नरसिंह –३ बस्ने ३० वर्षीय चन्दन यादव रहेका छन् ।
खालबाट नगद १ लाख २१ हजार २०० र उनीहरूको साथबाट नगद ६९ हजार ३९० गरी जम्मा नगद १ लाख ९० हजार ५९० रुपैयाँ बरामद भएको छ । त्यस्तै १६ बुङ ताससमेत बरामद गरी संलग्न ७ जनालाई नियन्त्रणमा लिई जिल्ला प्रहरी कार्यालय सुनसरीमा राखिएको प्रहरीले जनाएको छ ।
