साङ्केतिक तस्वीर
झापा । भद्रपुरमा खोलामा डुबेर एक बालकको मृत्यु भएको छ ।
आइतबार सँझ ५ बजे भद्रपुर नगरपालिका वडा न.१ स्थित देवी खोलामा डुबेर स्थानीय महेश रसाइलीका ९ वर्षीय छोरा सौरभ रसाइलीको मृत्यु भएको जिल्ला प्रहरी कार्यालयले झापाले जनाएको छ । खोलामा खेल्ने क्रममा ती बालक डुबेको स्थानीयले देखेर उपचारको लागि प्रादेशिक अस्पताल भद्रपुर पठाएकोमा अस्पताल पुर्याउनसाथ चिकित्सकले चेकजाँच गर्दा मृत्यु भइसकेको जिल्लाका डिएसपी कृष्णकुमार चन्दले जानकारी दिए ।
कानुनी प्रकृयापश्चात् शव पोस्टमार्टमको लागि प्रादेशिक अस्पतालको शबगृहमा राखिएको र घटना सम्बन्धमा थप अनुसन्धान कार्य जारी रहेको उनले बताए ।
