झापा / अर्थमन्त्री रामेश्वर खनालले गत भदाै २३ र२४ गतेकाे आन्दोलनका क्रममा भएको तोड्फोड र आगजनीका कारण निजी क्षेत्रमा करिब ३६ अर्बको क्षति भएको प्रारम्भिक मूल्यांकन प्राप्त भएको बताएका छन्।
काठमाडौंमा आइतबार नेपाल चेम्बर अफ कमर्सले आयोजना गरेको कार्यक्रमलाई सम्बाेधन गर्दै अर्थमन्त्री खनालले यस्ताे बताएका छन्।
उहाँले जेनजी आन्दोलनका क्रममा ५५ जिल्लामा १ हजार ९ सय ५७ इकाइमा क्षति भएको बताएका छन्। जसमध्ये निजी क्षेत्रको ४ सय १९ संरचनामा करिब ३६ अर्बको क्षति भएको प्रारम्भिक मूल्यांकन प्राप्त भएको उनले जानकारी गराएका थिए।
निजी क्षेत्रमा भएको क्षति मध्ये करिब २३ अर्बको बिमा दावी भएको समेत उनले बताए। अर्थमन्त्री खनालले सरकार र व्यवसायीबीचमा विश्वासको वातावरण बनाएर अघि बढ्ने भन्दै निजी क्षेत्रलाई नियन्त्रणमूखी प्रणाली नबनाइने प्रस्ट पारेका छन्। उच्चस्तरीय आर्थिक सुधार आयोगको प्रतिवेदन अनुसार नै सरकारले निजी क्षेत्रलाई साथमा लिएर अघि बढ्ने उनकाे भनाइ छ।
