झापा । भारतीय कारकाे ठक्करबाट नेपालमा कार्यरत भारतीय मजदुरकाे मृत्यु भएकाे छ भने अर्का घाइते भएका छन् ।मृत्यु हुनेमा भारतको कुच बिहार पश्चिम बगाल बस्ने बर्ष २५ को अप्पु राय छन् भने घाइते हुनेमा साेही ठाउँका बर्ष २० को केशव मादक रहेकाे जिल्ला प्रहरी कार्यालय झापाले जनाएकाे छ । उनीहरू मेची नगरपालीका १५ हिम शिखर फ्याक्ट्रीमा कार्यरत हुन्।
प्रहरीले दिएकाे विवरण अनुसार शुक्रबार राति साढे ९ बजे झापा मेचीनगर नगरपालिका वडा न.-१५ भगवती प्लाई फ्याक्ट्री स्थित ज्यामीरगढीबाट धुलाबारी तर्फ जाने भित्री सडक खण्डमा दक्षिणबाट उत्तर तर्फ जादैं गरेको तत्काल नम्बर नखुलेको कारले दुवैजना पैदल यात्रीलाइ ठक्कर दिएकाे थियाे । ठक्करबाट घाईते भई उपचारको लागी आम्दा अस्पताल धुलाबारी लगेकोमा उपचारको क्रममा राति साढे ११ बजे अप्पु रायलाई डाक्टरले मृत घोषणा गरेको र केशव मादकलाई थप उपचारको लागी B&C अस्पताल बिर्तामोड पठाई उपचार भइरहेको छ ।
घटनापछि इलाका प्रहरी कार्यालय धुलाबारी र प्रहरी चौकी ज्यामिरगढीबाट खटिएको प्रहरी टोलीबाट उक्त कारको खोजतलास गर्दा शनिबार विहान ११ः२० बजे भारत वेष्टबेगाल बागडुग्र बस्ने अन्दाजी बर्ष २३ को रोसन खत्री लाई WB74AG1225 नम्बरको कार समेत नियन्त्रणमा लिएकाे प्रहरीले जनाएकाे छ । कारसहित चालकलाइ इलाका प्रहरी कार्यालय धुलाबारीमा ल्याई आवश्यक आनुसन्धान भई रहेको प्रहरीले जनाएकाे छ l
