झापा । आगामी आर्थिक वर्ष २०८१/८२ का लागि संसदमा प्रस्तुत बजेट वक्तव्यमा कोशी प्रदेशमा कुनै खास योजना परेनन् । सङ्घीय सरकारका अर्थमन्त्री वर्षामान पुनले कोशी प्रदेशलाई औद्योगिक क्षेत्र बनाउने, विराटनगर वैजनाथपुरको क्रिकेट रङ्गशाला निर्माण गर्ने, तमोर कोरिडोर, कोशी कोरिडोर निर्माण, माथिल्लो अरुण जलविद्युत् आयोजना निर्माण सुरु गर्ने र विराटनगर जुटमिल्स सञ्चालन गर्ने विषय बाहेकका कुनै पनि विषय आएनन् ।
मन्त्री पुनले आगामी वर्षका लागि १८ खर्ब ६० अर्ब ३० करोड रुपैयाँ विनियोजन गरेका छन् । कूल विनियोजनमध्ये सरकारले चालूतर्फ ११ खर्ब ४० अर्ब ६६ करोड, पुँजीगततर्फ ३ खर्ब ५२ अर्ब ३५ करोड, वित्तीय व्यवस्थातर्फ ३ खर्ब ६७ अर्ब १८ करोड विनियोजन भएको छ ।
