झापा/ झापाको दमकमा जङ्गली हात्तीको आक्रमणबाट दुईजना महिला घाइते भएका छन्।
यसरी घाइते हुनेहरूमा दमक नगरपालिका वडा नं १ बस्ने सुनिता राई र कविता राई रहेका छन् ।
आज बिहान अन्दाजी ४-१५ बजेको समयमा दमक-१ बरगाछी भित्रि सडक खण्ड स्थित बिहानको मर्निङ वाक निस्किई बाटोमा हिड्ने क्रममा अचानक एक वटा जंगली हात्तीले आक्रमण गर्दा सुनिता राईको टाउको, दाहिने आँखी भौ, दुबै खुट्टा, बाँया हात र शरिरको बिभिन्नमा भागमा चोट लागेको अवस्था गम्भिर रहेको र कविता राईको बाँया खुट्टाको कुर्कुच्चामा चोट चोट लागेकोले दुबै जना घाइतेको दमक अस्पताल दमकमा ल्याई उपचार भइ रहेको जिल्ला प्रहरी कार्यालय झापाले जानकारी दिएको छ।
आक्रमण पश्चात् हात्ती जंगल तर्फ भागेको घाइतेहरूले बताएका छन् ।
