झापा । राधाअष्टमीको पर्वमा भद्रपुरका बालिकाहरुबीच प्रतियोगिता सम्पन्न गरिएको छ । मारवाडी महिला मञ्च भद्रपुरले बुधबार साँझ भद्रपुर ८ राधा मन्दिरमा आयोजना गरेको कार्यक्रममा ७ देखी १४ बर्षका बालिकाबीच दुईवटा विधामा प्रतियोगिता सम्पन्न गरिएको हो ।
पहिलो विधामा फेन्सी ड्रेसमा नौजना बालिकाले भाग लिएकोमा आराध्या गोयल प्रथम र हर्सिका गोयल दोस्रो भएका थिए । त्यसैगरी सोही उमेर समूहका ६ जना बालिकाले नृत्यमा भाग लिएकोमा ओमालिसा मेचे प्रथम र दोस्रोमा एलिसा राजवंशी विजेता भएका थिए । विजेताकाे घाेषणा निर्णायक मण्डलले सार्वजनिक गरेकाे थयाे ।
विजेताहरुलाइ प्रमुख अतिथि एवम नगर उपप्रमुख राधा कार्की,वडा नम्बर ६ का वडाअध्यक्ष रतिया राजवंशी, लाइन्स क्लब अफ भद्रपुर एवम राजवंशी समाज विकास समिति जिल्ला अध्यक्ष उत्तम राजवंशी, भद्रपुर मारवाडी सङ्घका अध्यक्ष अजय साहेवाला लगायतले पुरस्कार वितरण गरेका थिए । अन्य सहभागिलाइ पनि पुरस्कार स्वरुप मायाको चिनो प्रदान गरिएको थियो ।
मञ्चकी अध्यक्ष निलम गोयलको सभापतित्व तथा नगर उपप्रमुख कार्कीको प्रमुख आतिथ्यमा सम्पन्न कार्यक्रममा वडा नम्बर ६ का वडाअध्यक्ष रतिया राजवंशी, भद्रपुर मारवाडी सङ्घका अध्यक्ष अजय साहेवाला, लाइन्स क्लब अफ भद्रपुरका अध्यक्ष उत्तम राजवंशीले कार्यक्रमको प्रशंसा गरेका थिए ।
मञ्चकी सचिव रिता सरावगीले सञ्चालन गरेको कार्यक्रममा मञ्चकी अध्यक्ष गोयलले एक महिना अघि कार्यभार सम्हालेपछि विभिन्न क्षेत्रमा सामाजिक गतिविधि तीव्ररुपमा सञ्चालन गर्दै आइरहेको बताइन् । शिवको महिनाबाट कार्यभार सम्हालेका कारण सवै धार्मीक कार्यक्रमलाइ पनि नछुटाइ लैजादै गरेको उनले उल्लेख गरिन् ।
