झापा । भद्रपुर वडा नम्बर ५ को तरुण दलको सभापतित्वमा मेघु रायसहित २५ जना सदस्य चयन गरिएको छ ।
वडा सभापति इन्द्र नेपालको सभापतित्व एवम नेपाली काँग्रेस ३ नम्बर क्षेत्रीय सभापति एवम नगर प्रमुख गणेश पोखरेलको प्रमुख आतिथ्यमा विहीबार अपरान्ह् भद्रपुरमा भएको भेलाले तीन वर्षे कार्यकालका लागि समिति चयन गरेको हो ।
गठित समितिको उप सभापतित्वमा रोषित पकुवाल,सचिवमा दिपेश यादव,सह–सचिवमा उद्धव मेचे र विनय कसेरा रहेका छन् भने कोषाध्यक्षमा मोहमद् इन्फान रहेको समितिले जनाएको छ ।
त्यसैगरी सदस्यहरुमा प्रमित घोष,सोनु साह,नितेश यादव,नितेश ठाकुर ,सुरज घोष,सञ्जीव लिम्बु,स्वरुप खड्का,शिव राई,हिमेश राजवंशी लगायत रहेका छन् ।
यता विर्जु सहनी,रोहित राजपुत र निलम प्रधानलाइ जिल्ला प्रतिनिधिमा चयन गरेको छ भने अर्जुन पण्डित,विष्णु कसेरा लगायत गरी आठ सदस्यीय नगर प्रतिनिधि चयन गरिएको नव निर्वाचित अध्यक्ष रायले जानकारी दिए ।
कार्यक्रममा नेपाली काँग्रेस नगर सभापति रामबहादुर कँडेल,वडा नम्बर ५ का निर्वाचित वडाध्यक्ष बन्धु कार्की,वडा सभापति हरि बस्ने लगायतको आतिथ्य रहेको थियो ।
