झापा । भगवान श्रीकृष्णजन्माष्टमीको उपलक्ष्यमा मारवाडी महिला मञ्च भद्रपुरले सुत्केरी आमाहरुलाइ विभिन्न पोषकतत्व तथा नवजात शिशुलाइ आवश्यक सामग्री वितरण गरेको छ । मञ्चले सोमबार विहान भद्रपुर ८ स्थित प्रादेशिक अस्पतालको प्रसूति गृह(गाइनो वार्ड)मा पुगेर सामग्री वितरण गरेका थिए ।
मञ्चकी अध्यक्ष निलम गोयलको नेतृत्वमा पुगेको टोलीले नाङ्लोमा सामग्री सजाएर सुत्केरी आमा र सुत्केरी गराउन भर्ना भएका विरामी महिलाहरुलाइ वितरण गरेका थिए ।
आजको यो विषेश पर्वमा गाइनो वार्डमा आएर नवजात शिशु र आमाहरुलाइ उपहार स्वरुप केही सामग्री वितरण गरिएको मञ्चकी अध्यक्ष गोयलले बताइन् । मञ्चले बर्षभरिमा यस्ता सामाजिक कार्यक्रमलाइ अभियानकै रुपमा लिएर सञ्चालन गर्दै आइरहेको उनको भनाई छ ।
