झापा । भद्रपुर नगरका पुर्व उपमेयर सवार कारले दुइजना स्थानीयलाइ ठक्कर दिएर घाईते बनाएकाे छ । भद्रपुर वडा नं ३ आपगाछीमा भएको कार दुर्घटनामा १ बर्षको नाबालक बच्चा र बच्चाको फुपुलाई सिकिस्त घाईते बनाई कारमा सवार भद्रपुरका पुर्व उप मेयर र उनका श्रीमान (चालक)ले दुर्घटना गरेर फरार हुने क्रममा स्थानीयले झापा चाेकमा बाईकले छेकेर पक्रन सफल भएका छन् ।
उनीहरूलाइ प्र१-०१००१ च ७६६४ नम्बरकाे कारले ठककर दिएकाे थियाे । वनियानीबाट भद्रपुर तर्फ आउँदै गरेकाे कारले मगलबार राति साढे ९ बजे स्थानीय ३७ वर्षिया सङ्गीता मगर र साेही स्थान वस्ने कमल मगरका १ वर्षिय छाेरा पुसप मगरले बाटाे काटदै गर्दा ठक्कर दिँदा घाइते भएका थिए । घटनापछि वडा प्रहरी कार्यालय भद्रपुरबाट गएकाे प्रहरी टाेलीले प्रारम्भिक अनुसन्धान गर्दा भद्रपुर ८ का ६२ वर्षिय चालक दुर्गाराजभण्डारीकाे सवारी चालक अनुमति पत्र नभएकाे पाइएकाे प्रहरीले जनाएकाे छ । घटनामा सङ्गीताकाे कुमकाे हडडी भाँचिएकाे अन्य वाहिर चाेट नदेखिएकाे छ भने पुसपकाे टाउकाेमा चाेट लागेकाे जनाइएकाे छ । उनीहरूकाे भद्रपुर स्थित अाेम साइ पाथीभरा अस्पतालमा उपचार भइरहेकाे छ भने कार र चालक वडा प्रहरी कार्यालयले नियन्त्रणामा लिएकाे छ ।
यता दुर्घटनाका विषयमा लक्ष्मण बस्नेतले सामजिक सञ्जालमा यसरी भनेका छन् । स्थानीय जिम्मेवार ब्यक्तिले दुर्घटना गराएर भाग्नुपर्ने हो कि नाबालक बिरामीहरुलाई चाडै अस्पताल पुर्याउनु पर्ने हो ? मानवता भन्ने चिज पनि त हुन्छ नि ! दुर्घटना जानी जानी हुदैन् र गरिदैन तर ,दुर्घटना गराएपछि अस्पताल चाडै पुर्याउने उपचार गर्ने दायित्व , कर्तब्यबाट कोहि कसैले पनि उम्कन र भाग्न हुदैन र पाईदैन् । जिम्मेवार बनौ ! सचेत नागरिकको कर्तब्य पुरा गरौ !! । कार नियन्त्रणमा लिएपछि जानकारी लिदा कार जाेगाउन भागेकाे भन्ने जवाफ दिएकाे वुझिएकाे छ ।
