साङ्केतिक तस्विर
झापा । सामान्य विवादका क्रममा भएको झै-झगडामा चक्कु प्रहारबाट युवकको मृत्यु भएपछि दमकका एकसहित ३ जना हत्या आराेपमा पक्राउ परेका छन् ।
भक्तपुरको भक्तपुर–१ नगरकोटमा सामान्य विवादका क्रममा हिजो राति १० बजे चक्कु प्रहारबाट युवकको मृत्यु भएको थियाे ।
चक्कु प्रहार गर्ने उदयपुर त्रियुगा नगरपालिका–१३ घर भई हाल भक्तपुर सल्लाघारी बस्ने ३१ वर्षीय आयुष कार्की, झापा, दमक नगरपालिका–३ घर भई हाल सल्लाघारी बस्ने २७ वर्षीय दोर्जे शेर्पा र गुल्मी, तम्घास घर भई हाल सल्लाघारी बस्ने ३५ वर्षीय रमेश कुँवरलाई प्रहरीले नियन्त्रणमा लिएको छ ।
महोत्तरी, मिथिला नगरपालिका–९ घर भई नगरकोटमोड बस्ने २८ वर्षीय आकाश रसाइलीलाई चक्कु प्रहार भएको हो । गम्भीर घाइते रसाइलीको उपचारका क्रममा केएमसी अस्पताल सिनामंगलमा चिकित्सकले आज बिहान ६:१५ बजे मृत घोषणा गरेका थिए ।
