झापा । झापा कारागारमा कैद भुक्तान गरिरहेका एक कैदीकाे उपचारकाक्रममा मृत्यु भएकाे छ । ज्यान सम्बन्धी मुद्दाको कैद भूक्तान गरिरहेका बर्ष ५९ का धनबहादुर बिश्वकर्माकाे मृत्यु भएकाे जिल्ला प्रहरी कार्यालय झापाले जनाएकाे छ ।
प्रहरीले मेडिकल रिपोर्टमा घाटीको क्यनसरको लक्षण देखा परेको र साेमबार अपरान्ह् साढे ४ बजे अचानक साँस बढेर बिरामी भई ढलेको र उपचारको लागी प्रादेशिक अस्पताल भद्रपुर लगिएकोमा अपरान्ह् ४:४० बजेको समयमा उपचारको क्रममा मृत्यु भएको जिल्लाका डिएसपी खगेन्द्रबहादुर खड्काले जानकारी दिए । घटनापछि मृतकको आफन्तलाइ खबर गरिएको उनले जनाए ।
